De Runn mit mehr as föfftig Lüüd kiekt mit Tovertruun in de Tokunft. „Mit veel Freid warrt wi uns ok wiederhen för uns Heimatspraak insetten“, seggt Luise Hering, de al vele Johrn dat Leit vun de Runn hett.
Al 1965 un 1966 sünd en poor Plattdüütsche mit Henry Rathjen ut Bendstörp un Otto Drewes, den Heideschoolmester ut Hittfeld, vun de Volkshoochschool Jesborg ut över de Dör-per föhrt un hebbt dor de ole Heimatspraak pleegt.
1967 hebbt se sik denn in Harmstörp as fasten Krink, de „Plattdüütsche Runn“, tohoopsett. Jeden eersten Maandag in‘n Maand dreept se sik siet düsse Tiet in Maacks Gasthuus. Annchen Kopelke ut Jesborg un Luise Hering ut Emmelndörp sünd jümmers noch dorbi.